စာကြည့်တိုက်မှူးများ၊စာကြည့်တိုက်ပညာရှင်များအတွက်

ပြောကြားလိုသောအမှတ်တရစကား

ယနေ့အချိန်အခါတွင် ထင်ရှားကျော်ကြားသောပညာရှင်ကြီးများ၊နိုင်ငံ၏အုပ်ချုပ်ရေးပိုင်းဆိုင်ရာ တာဝန် ယူခဲ့ကြသော ပုဂ္ဂိုလ်ကြီးများတို့၏စုဆောင်းထားသော စာပေနှင့်အသုံးအဆောင်ပစ္စည်းများကို စာကြည့်တိုက်၊ ပြတိုက်နှင့်မော်ကွန်းတိုက်များသို့ မကြာခဏလာရောက်လှူဒါန်းနေသည်ကို တွေ့မြင်နေရပါသည်။ ယင်းသို့လှူဒါန်း ရာတွင် စာကြည့်တိုက်မှူးများ၊စာကြည့်တိုက်ပညာရှင်များအနေဖြင့် သိပြီးသောအချက်ဖြစ်သော်လည်း ပိုမိုဂရုပြုပြီး ပြန်လည်သတိထားမိစေရန် ပြောကြားလိုပါသည်။
လာရောက်လှူဒါန်းသော အထောက်အထားများကို လက်ခံရယူသောအခါညီနောင်အဖွဲ့အစည်းများဖြစ်ကြ သည့် စာကြည့်တိုက်၊ပြတိုက်နှင့်မော်ကွန်းတိုက်များတို့၏လုပ်ငန်းများကိုပါ ဆက်စပ်တွေးခေါ်၍ ပြန်လည်သတိ ထားဆောင်ရွက်ပေးကြပါရန် မှာကြားလိုပါသည်။ လှူဒါန်းလာသော
(၁) မူရင်းစာပေများ
(၂) ပုံနှိပ်စာများ၊စာအုပ်များ
(၃) တံဆိပ်များနှင့်အသုံးအဆောင်ပစ္စည်းများ
တို့တွင် မူရင်းစာပေများ၊တံဆိပ်များနှင့်အသုံးအဆောင်ပစ္စည်းများတို့မှာအစားထိုးမရနိုင်သော အထောက်အထား များဖြစ်ကြသဖြင့်အသုံးပြုသူများကို မူရင်းအတိုင်း ကိုယ်တွယ်အသုံးပြုခွင့်မပြုစေလိုပါ။ တနည်းနည်းဖြင့် မိတ္တူ ပွားထားသည်များကိုသာ အသုံးပြုခွင့်ပေးစေလိုပါသည်။
တစ်နိုင်ငံလုံး၊တစ်မျိုးသားလုံးနှင့်ပတ်သက်နေသော မူရင်းအထောက်အထားများဖြစ်ပါကလည်း နိုင်ငံတော် အဆင့်ဖြင့် ထိန်းသိမ်းစောင့်ရှောက်ထားသော အဖွဲ့အစည်းများတွင် ထာဝရမပျက်မယွင်းစောက်ရှောက်ထားခြင်း ဖြင့် နိုင်ငံ၏သမိုင်းအစဉ်အလာ၊ယဉ်ကျေးမှုအမွေအနှစ်၊ဓလေ့စရိုက်များကို ပြန်လည်ဖော်ထုတ်နိုင်မည်ဖြစ်ကြောင်း ကိုထည့်သွင်းစဉ်းစား၍ လုပ်ငန်းများဆောင်ရွက်ပေးကြပါရန် မှာကြားလိုပါသည်။

ဒေါ်ခင်ခင်ထွန်း
နာယက
မြန်မာနိုင်ငံစာကြည့်တိုက်အသင်း