Librarians notes (16)
စာကြည့်တိုက်နဲ့ပတ်သက်တာတွေကို စာကြည့်တိုက်မှူးကြီးများကအသီးသီးရေးကြတာတွေဖတ်ရတာတန်ဖိုးရှိလှပါတယ်။ ကိုယ်ကဘိုကလေးတင့်အောင်အထိမ်းအမှတ်စာကြည့်တိုက်တည်ထောင်ရာမှာတတပ်တအားပါဝင်ခဲ့ပုံလေးတွေကိုရေးပြချင်ပါတယ်။
၂၀၀၈..နာဂစ်မဖြစ်မီကာလတုန်းကပေါ့…
ယဥ်ကျေးမှုတက္ကသိုလ်စာကြည့်တိုက်မှူးတာဝန်ထမ်းဆောင်နေစဥ်ကာလမှာပါချုပ်က…ဘိုကလေးမြို့မှာဘိုကလေးတင့်အောင်အထိမ်းအမှတ်စာကြည့်တိုက်တည်ထောင်ရေးကိစ္စအတွက်အကူအညီပေးဖို့မေတ္တာရပ်ခံခဲ့ပါတယ်။ တပည့်ကျော်လ/ထစာကြည့်တိုက်မှူးဝေဝေကြည်နဲ့နှစ်ယောက်..အပတ်စဥ်သောကြာညနေဗိုလ်ကလေးမြို့ကိုသွား..မြို့ခံဘွဲ့ရလူငယ်လေးများကိုစုပြီးစာကြည့်တိုက်သင်တန်းပေး..ပြီးစာကြည့်တိုက်ထူထောင်မဲ့အဆောက်အဦမှာစာအုပ်တွေကိုလက်တွေ့..တိုက်ပိုင်စာရင်းသွင်း..ကက်တလောက်ရေး..စင်တင်..မျိုးတူစုနံပါတ်ပေး..စတာတွေလက်တွေ့လုပ်ဆောင်ပြသရပါတယ်။
၂၀၀၈..ဇန္နဝါရီလောက်ကစသွားရတယ်..အပတ်စဥ်သောကြာညနေရန်ကုန်ကထွက်တနင်္ဂနွေမနက်ပြန်လာပေါ့နော်..စနေနံနက်ပိုင်းသင်တန်းပေး..နေ့လည်ပိုင်းစာကြည့်တိုက်အဆောက်အဦးရှိရာနေရာမှာစာအုပ်တွေအထုတ်ဖောက်..တိုက်ပိုင်စာရင်းသွင်းတာလက်တွေ့ပြ…ကက်တလောက်ကတ်ရေးနည်းတွေသင်..လက်တွေ့ရေးခိုင်း..ကိုယ်ကတော့အတည်ရေးပြီး..စာရေးသူကတ်…စာအုပ်အမည်..ဘာသာရပ်အမည်..shelf card..(စင်ပေါ်ထားတဲ့အစီစဥ်အတိုင်း)အပြီးစီခဲ့ပေးပါတယ်.အပတ်စဥ်သွားရာကနေ…ဧပြီမှာပြီးအောင်ကြီုးစားလုပ်ခဲ့တယ်၊
အဆောက်အဦကသူဌေးတယောက်လှူတာပါ..ချမ်းသာတဲ့အတွက်အိမ်ထဲမှာမီးခံသေတ္တာပါထည့်ဆောက်ထားတယ်..အထဲရောက်ရင်ကျောထဲကစိမ့်သလိုလို့ခံစားရလေ့ရှိပေမဲ့..လုပ်စရာရှိတာလုပ်လိုက်ရင်မေ့ပျောက်သွားပါတယ်
တနေ့တော့လှေကားပေါ်တက်ရင်းလက်ရမ်းပေါ်ကိုင်ထားတဲ့လက်ကရှသလိုခံစားရင်းသွေးတွေတစိမ့်စိမ့်ထွက်လာတာအများကြီးပါဘဲ..ဝေဝေကြည်ကတစ်ရှူးလိပ်ကိုဖြဲပြီးပေးတာနဲ့သုတ်တာတစ်ရှူးလိပ်တဝက်မကကုန်တယ်..စိတ်ထဲတမျိုးခံစားရလို့သင်တန်းကလူငယ်တယောက်ကိုမေးတော့သူကမပြောချင်ပြောချင်နဲ့…စာကြည့်တိုက်လုပ်ဖို့မလှူခင်.ယူနီဆက်ကိုငှားတုန်းကဆို..ထမင်းစားပွဲကြီးကအလိုလိုမှောက်သွားတာကြုံဘူးတယ်ပြောပါတယ်၊
တယောက်ကလည်းသူအပေါ်ထပ်မှာစာအုပ်ထုတ်တွေဖြည်နေရင်တယောက်ယောက်ကစိုက်ကြည့်သလိုခံစားရပါတယ်တဲ့၊
နဂိုကတဲကကြောက်တတ်သူကိုယ့်မှာငါဘာလုပ်ရမလဲစဥ်းစားပါတယ်၊
နောက်နေ့မနက်ရောက်တော့ခြံထဲကရေတွင်းနားသွားရပ်လိုက်ပါတယ်၊
အိမ်စောင့်နတ်….ခြံစောင့်နတ်..ရုက္ခစိုးနတ်စတာတွေကိုမေတ္တာပို့ပြီးသစ္စာဆိုလိုက်ပါတယ်၊
-“ကျွန်ုပ်သည်..ဤအဆောက်အဦတွင်စာကြည့်တိုက်
တည်ထောင်ပေးရန်ရည်ရွယ်ချက်ဖြင့်လာရောက်ခြင်းဖြစ်ပါသည်၊
-စာကြည့်တိုက်မည်သည်လူအများပညာရှာရန်အကောင်းဆုံးဌာနတခုဖြစ်ပါသည်၊
-သို့ဖြစ်ပါ၍ကျွန်ုပ်အားအန္တရာယ်မပေးဘဲမေတ္တာထားရန်တောင်းဆိုပါသည်၊”
ရွတ်လိုက်ပြီးတာနဲ့နောက်ကျောတခုလုံးတဖျင်းဖျင်းနဲ့ကြက်သိမ်းတဖျန်းဖျန်းထပြီးခေါင်းမွှေးတွေပါထောင်လာသလိုခံစားရပါတယ်..
နောက်ရက်တွေမှာတော့ စာကြည့်တိုက်ထူထောင်ပြီး..ဖွင့်ပွဲအောင်မြင်စွာ လုပ်သည်အထိမည်သည့်အန္တရာယ်အနှောင့်အယှက်မှမတွေ့ရတော့ပါဘူး၊
၂၀၀၈..မေလ..နာဂစ်မတိုင်မီစာကြည်တိုက်ဖွင့်လှစ်နိုင်ခဲ့ပါတယ်၊
ခုတော့ဘဘဘိုကလေးတင့်အောင်လဲကွယ်လွန်ခဲ့ပါပြီ။
ဒေါ်ခင်မူ
စာကြည့်တိုက်မှူး(ငြိမ်း)
ယဉ်ကျေးမှုတက္ကသိုလ်