စာကြည့်တိုက်ဆိုတာ

စာကြည့်တိုက်ဆိုတာ ကောင်းမွန်သောအဆောက်အဦးဖြစ်ခြင်းနှင့် ပရိဘောဂများရှိခြင်း ၊ ဘတ်ဂျက်ငွေအလုံအလောက်ရရှိခြင်း၊ ကောင်းမွန်ပြည့်စုံသောစာအုပ်စာတမ်းများရှိခြင်း၊ IT နည်းပညာနှင့်ပတ်သက်သောအထောက် အပံ့ပစ္စည်းများ Computer, internet တို့ရှိရုံမျှ နှင့် စာကြည့်တိုက်ကောင်းတစ်ခုဖြစ်တယ် လို့သတ်မှတ်လို့မရနိုင်ဘဲ၊ ကောင်းမွန်သောဝန်ဆောင်မှု များ ကိုပေးနိုင်တဲ့ စိတ်ရင်းစေတနာကောင်းသောစာကြည့်တိုက်မှူးရှိမှသာလျှင် စာကြည့်တိုက်ကောင်းတစ်ခု ဖြစ်တယ်ဆိုတာကို၊ MLA ကကျင်းပသော သင်တန်းများ၊ စကားဝိုင်း များမှာမကြာခဏ ထည့်သွင်း ပြောကြားလေ့ရှိပါတယ်။ ဒါကြောင့် စာကြည့်တိုက်မှူးများသတိထားသင့် တဲ့အကြောင်းအရာများကို အဓိကထားပြီး ရေးချင်ပါတယ်။
စာကြည့်တိုက်မှူးများသည် –
ဘာသာရပ်တစ်ခုတာည်းတွင်ကျွမ်ကျင်သူများမဖြစ်စေဘဲ၊ မေးလာသမျှကိုဖြေကြားနိုင်ရန်၊ အလုံးစုံကိုသိကျွမ်းစေရန်လေ့လာထားရပါမယ်။ မိမိစာကြည့်တိုက်တွင်ရှိသောစာအုပ်ကိုငှား‌‌ပေးခြင်းသည်သာမာန်ဝန် ဆောင်မှုတစ် ခုသာ ဖြစ်ပါတယ်။ စာရှာသူများမေးလာသောအကြောင်းအရာအချက် အလက်များနှင့်ပတ်သက် ၍သော်လည်းကောင်း၊ စာအုပ်စာတမ်းများနှင့်ပတ်သက်၍သော်လည်း ကောင်း၊ မိမိစာကြည့် တိုက် တွင်မရှိလျှင်၊ ယင်းမေးမြန်းသည့်အချက်အလက်များ၊ ရှိနိုင်သည့် နေရာများကို ညွှန်ကြား ပြောပြပြီး၊ သက်ဆိုင်သူများနှင့် link ချိတ်ပေးနိုင်ရမည်။

ခေါင်းဆောင်ကောင်းတစ်ယောက်ဖြစ်ရမယ့်အပြင် မိမိစာကြည့်တိုက်တွင်ရှိသော ဝန်ထမ်းများအတွက် စံပြဖြစ်ရပါမယ်။ မိမိ၏အောက်လက်ငယ်သားများကိုဘက်မလိုက် ဘဲတပြေးညီ၊ဆက်ဆံနိုင်ရမယ်။ အခြေခံမှစ၍ကောင်းမွန်စွာသင်ကြားပြသနိုင်ရမယ်။ (ဥပမာ- စာအုပ်များကို စာမျက်နှာလှန်သည့်အခါစာအုပ်၏ညာဘက်ထိတ်ဒေါင့်မှနေ၍လှန်ရမယ်။ တံတွေးစွတ်ပြီးမလှန်ရ။ အလိုရှိသောစာမျက်နှာကိုရှာတွေ့လျှင်လည်း၊ စာအုပ်မှစာရွက် ကိုခေါက်ပြီးအမှတ်အသားမလုပ်ရ… စသည်ဖြင့်)၊ သိထားသင့်သည့် သတင်း အချက် လက်များကိုလည်း လက်အောက်ငယ်သားများထိရောက်စွာဝေမျှရမယ်။
နေ့စဉ်ပညာဒါနပြုလုပ်နေသူများဖြစ်တာကြောင့်အမြဲတန်းကုသိုလ်ရနေပါတယ်။ဒါကြောင့် မိမိရဲ့ Profession ကိုလေးစား၊ တန်ဖိုးထားသင့်ပါတယ်။
တိုင်းပြည်တစ်ပြည်တိုးတက်ခြင်း ဟာအသိပညာပြည့်စုံသူများပြားခြင်းဆိုတဲ့အချက်ကလည်း အကြောင်းရင်းတစ်ရပ်ဖြစ်ပါတယ်။ ဒီလိုဖြစ်ဖို့စာဖတ်ဖို့လိုပါတယ်၊ စာဖတ်ဖို့ဝန်ဆောင်မှုကောင်း တဲ့စာကြည့်တိုက်ကောင်းများထွက်ပေါ်လာဖို့လိုပါတယ်။ အဲ့ဒီလိုထွက်ပေါ်လာနိုင်ဖို့၊ MLA အသင်း က အဓိကအခန်းကနေပြီး အားသွန်ခွန်စိုက်လုပ်ဆောင်လျက်ရှိပါတယ်။ အောင်မြင်မှု တွေ အများကြီးရရှိခဲ့ ပါတယ်။ ဒါကြောင့် MLA အသင်းကြီး ရေရှည်တည်တံ့အောင် ထိန်းသိမ်းဖို့ စာကြည့်တိုက် လောကသားအားလုံးမှာတာဝန်ရှိကြောင်းသတိပေးနှိုးဆော်လိုက်ပါတယ်။

ဒေါ်စန္ဒြာချစ်ဖို့
အထွေထွေအတွင်းရေးမှူး
မြန်မာနိုင်ငံစာကြည့်တိုက်အသင်း